දිවයිනට බලපෑ අයහපත් කාලගුණ තත්ත්වය හේතුවෙන් අවතැන් වී සිටින ජනතාව වෙනුවෙන් ආධාර තොගයක් රැගත් ඉන්දීය ගුවන් හමුදාවට අයත් C-130 ගුවන් යානයක් අද (29) අලුයම 01.45ට පමණ කටුනායක ජාත්‍යන්තර ගුවන්තොටුපළට ළඟා වී තිබෙනවා. 

ඉන්දීයානු රජය විසින් පිරිනැමූ කූඩාරම්, සනීපාරක්ෂක ද්‍රව්‍ය ඇතුළු අත්‍යාවශ්‍ය ද්‍රව්‍ය තොගයක් මෙලෙස රැගෙන විත් තිබෙන බවයි වාර්තා වන්නේ.

ඉන්දියානු රජය මඟින් ලබා දුන් මෙම ආධාර භාරදීමේ අවස්ථාවට ඉන්දියානු මහ කොමසාරිස් කාර්යාලයේ නිලධාරීන් ඇතුළු ඉන්දිය ගුවන් හමුදා නිලධාරීන් පිරිසක් සහභාගී වී තිබෙනවා.
 
මෙම ආධාර භාර ගැනීම සදහා ශ්‍රී ලංකා ගුවන් හමුදා මාණ්ඩලික ප්‍රධානී එයාර් වයිස් මාර්ෂල් ලසිත සුමනවීර ඇතුළු ගුවන් හමුදා නිලධාරීන් පිරිසක් එක්ව තිබෙන බවයි වාර්තා වන්නේ.

(colombotimes.lk)