දිට්වා සුළි කුණාටුවේ බලපෑමෙන් ඇදහැලුණු අධික වර්ෂාපතනය හේතුවෙන් මේ වන විට දිවයින පුරා ප්‍රදේශ රැසක් ජලයෙන් යටවී තිබෙනවා.

ලංකා විදුලි බල මණ්ඩලය සඳහන් කළේ ඒ හේතුවෙන් මේ වන විට රන්ටැඹේ - මහියංගන 132 kV සම්ප්‍රේෂණ රැහැන් මාර්ගය දැඩි ලෙස හානියට පත්වී තිබෙන බවයි. 

ඒ අනුව මිනිපේ ප්‍රදේශයේ ස්ථාපිත කර තිබූ සම්ප්‍රේෂණ කුළුණ සැඩපහරට හසුවී සම්පූර්ණයෙන් ගැලවී ගොස් තිබෙනවා. 

ලංකා විදුලි බල මණ්ඩලය සඳහන් කළේ ව්‍යසන තත්ත්වය හේතුවෙන් දිවයින පුරා විදුලිය බිඳවැටීම් ඉතා විශාල ප්‍රමාණයක් වාර්තා වී තිබෙන බවයි.

එම බිඳවැටීම් කඩිනමින් යථා තත්ත්වයට පත් කිරීමට ලංවිම කළමනාකාරීත්වය සහ කාර්ය මණ්ඩලය මේ වන විටත් කටයුතු කරමින් පවතින බව ලංකා විදුලි බල මණ්ඩලය වැඩිදුරටත් සඳහන් කළා.

(colombotimes.lk)