කොත්මලේ, රම්බඩගම ආසන්නයේ නායයෑමක් සිදු වී තිබෙනවා. 

මෙම නායයෑම පසුගිය 27වනදා රාත්‍රීයේ සහ ඊයේ (28) දින පාන්දර වන විට සිදු වී තිබෙන බවයි වාර්තා වන්නේ. 

කෙසේවෙතත් නුවරඑළිය - පූඬළුඔය මාර්ග දෙක අතර රම්බඩගම ගම්මානය මැද කොටස මෙලෙස නායයාමට ලක්වී තිබෙනවා. 

එම ස්ථානයේ නායයෑම හේතුවෙන් මියගිය පුද්ගලයන්ගේ සිරුරු පවා ඇති අතර ඒවා ඉවත් කිරීමට හෝ තුවාලකරුවන් රෝහල්ගත කිරීමට නොහැකිව ප්‍රදේශවාසීන් දැඩි අසීරුතාවයකට පත්ව තිබෙන බවයි වාර්තා වන්නේ. 

කෙසේවෙතත් මේ වන විටත් එම ප්‍රදේශයට විදුලිය නොමැති අතර දුරකථන සංඥා සියල්ල ක්‍රියා විරහිත වී තිබෙනවා. 

විපතට පත් ජනතාව ඉල්ලා සිටින්නේ පුද්ගලයින් 50කට ආසන්න සංඛ්‍යාවක් එම නායයෑම හේතුවෙන් එම ස්ථානයේ සිරවී ඇති අතර අවට ජනතාව මුදාගැනීමට කඩිනමින් අවශ්‍ය පියවර සකස් කර දෙන ලෙසයි. 

එම ස්ථානයට ළඟා වීම සම්පූර්ණයෙන්ම අවහිර වී ඇති අතර ආපදා සහන කණ්ඩායම් කිසිවෙකු මේ වන තෙක් අදාළ ස්ථානයට ළඟා වී නොමැති බව ද වාර්තා වනවා. 

(colombotimes.lk)