ඉරණමඩු ජලාශයේ ජල පෝෂක ප්‍රදේශවලට ඇදහැලුණු අධික වර්ෂාව හේතුවෙන් මේ වන විට ඉරණමඩු ජලාශයේ වාන් දොරටු විවෘත කර තිබෙනවා. 

ආපදා කළමනාකරණ මධ්‍යස්ථානය සඳහන් කළේ වාන් දොරටු මඟින් නිකුත් කරන ජලය ගලාගෙන යන ඇල මාර්ගයේ ශක්තිමත්භාවය සඳහා නිර්මාණය කළ ගංවතුර පැති බැම්ම කැඩී ගොස් තිබෙන බවයි.

එමනිසා අදාළ ප්‍රදේශයේ පහත්බිම් ජලයෙන් යටවීමේ අවධානමක් පවතින බැවින් එම ප්‍රදේශවල සිටින ජනතාවට හැකි ඉක්මනින් ඉවත් වන ලෙස ආපදා කළමනාකරණ මධ්‍යස්ථානය දැනුම්දී තිබෙනවා.   


(colombotimes.lk)