අයහපත් කාලගුණය හේතුවෙන් ශ්‍රී ලංකාව තුළ උද්ගතව ඇති හදිසි ආපදා තත්ත්වය හේතුවෙන් ශ්‍රී ලංකාව තුළ රැඳී සිටින විදේශීය සංචාරකයන් සඳහා වීසා පහසුකම් සැපයීම සම්බන්ධයෙන් ආගමන විගමන දෙපාර්තමේන්තුව විසින් විශේෂ නිවේදනයක් නිකුත් කර තිබෙනවා. 

ඒ අනුව අදාළ වීසා පහසුකම සැලසීමේදී සිදු කරන ක්‍රියාමාර්ගයන් පහතින්, 

1. ගුවන්යානා අවලංගු වීම හා ගමනාගමන දුෂ්කරතා හේතුවෙන් රටින් පිටවීමට නොහැකිව වීසා අවසන් වූ විදේශිය සංචාරකයන් සඳහා 2025.11.28 දින සිට ඉදිරි දින 7ක් දක්වා කාලයක් සඳහා දඩ හෝ විසා ගාස්තුවකින් තොරව ගුවන්තොටුපොළවලින් පිටවීමට අවස්ථාව සැලසීම.

2. මේ වන විට ශ්‍රී ලංකාව තුළ රැඳී සිටින කෙටි කාලීන හෝ දිගු කාලීන විසා අවසන්ව තවදුරටත් වීසා කාලය දිගු කරගැනීමට බලාපොරොත්තු වන විදේශිකයන් සඳහා 2025.11.28 දින සිට ඉදිරියට දින 07ක කාලයක් සඳහා දඩ අය කිරීමකින් තොරව වීසා දීර්ඝ කරගැනීම සඳහා සහන කාලයක් ලබාදීම.

3. කෙටි කාලීන සංචාරක වීසා බලපත්‍ර දීර්ඝ කිරීම ආගමන විගමන දෙපාර්තමේන්තුවේ මාර්ගගත ද්වාරය හරහා සිදු කිරීමටද හැකියාව පවතිනවා. 



(colombotimes.lk)