முன்னாள் நாடாளுமன்ற உறுப்பினர் சுஜீவ சேனசிங்க பயன்படுத்திய சொகுசு ஜீப் வண்டியை மேலதிக பரிசோதனைக்காக அரசாங்க பரிசோதகரிடம் ஒப்படைப்பதற்கு கோட்டை நீதவான் தனுஜா லக்மாலி இன்று (08) அனுமதி வழங்கியுள்ளார்.

குற்றப் புலனாய்வுப் பிரிவினரால் இது தொடர்பான கோரிக்கை விடுக்கப்பட்டுள்ளதாகத் தெரிவிக்கப்படுகிறது.

இதேவேளை, சுஜீவ சேனசிங்கவின் சார்பில் முன்னிலையான சட்டத்தரணி மைத்திரி குணரத்ன, 100 மில்லியன் ரூபா பெறுமதியான இந்த காரை பொலிஸ் பாதுகாப்பில் அரசாங்க பரிசோதகரிடம் எடுத்துச் செல்லுமாறு அவரது சாரதி நீதிமன்றில் கோரியிருந்தார்.