සිම්බාබ්වේ රාජ්‍යයේ පැවැත්වෙන 2024 Zim Afro T10 තරගාවලිය සඳහා ශ්‍රී ලංකාවේ ක්‍රීඩකයන් සහ පුහුණුකරුවන් රැසක් ගිවිසුම් ගත වී තිබෙනවා.

ඒ අනුව Harare Bolts කණ්ඩායම ශ්‍රී ලංකා ක්‍රිකට් කණ්ඩායමේ හිටපු නායක දසුන් ශානක සහ ෂෙහාන් ජයසූරිය සමඟ ගිවිසුම් ගත වී තිබෙන බවයි වාර්තා වන්නේ.

එමෙන්ම තිසර පෙරේරා සහ බිනුර ප්‍රනාන්දු ගිවිසුම් ගත වී තිබෙන්නේ NY Lagos Strikers කණ්ඩායම සමඟයි.

මේ අතර Jo'Burg Bangla Tigers කණ්ඩායම සමඟ චරිත් අසලංක සහ කුසල් පෙරේරා ගිවිසුම් ගත වී තිබෙනවා.

එමෙන්ම NY Lagos Strikers කණ්ඩායමේ ප්‍රධාන පුහුණුකරු ලෙස චමින්ද වාස් සහ Harare Bolts කණ්ඩායමේ ප්‍රධාන පුහුණුකරු ලෙස පුබුදු දසනායක කටයුතු කිරීමට නියමිත බවයි වාර්තා වන්නේ.

2024 Zim Afro T10 තරගාවලිය සැප්තැම්බර් 21 වනදා සිට 29 වනදා දක්වා පැවැත්වීමට නියමිතයි.

(colombotimes.lk)