2024 පැරා ඔලිම්පික් ක්‍රීඩා උළෙල සඳහා සුදුසුකම් ලැබූ ශ්‍රී ලංකා පැරා ඔලිම්පික් ක්‍රීඩකයන් අටදෙනා අගෝස්තු 25 වනදා  ප්‍රංශය බලා පිටත්ව යාමට නියමිතව තිබෙනවා.

ඒ අනුව සමිත දුලාන් (හෙල්ල - F44), නුවන් ඉන්දික (100m T44), පාලිත බණ්ඩාර (යගුලිය F42/63), අනිල් ජයලත් (100m T42/63), ප්‍රදීප් සෝමසිරි (1500m T46) , සුරේෂ් ධර්මසේන (රෝදපුටු ටෙනිස්), නවීඩ් රෂීඩ් (පිහිනුම් S9) සහ ජනනි ධනංජන (දුර පැනීම T47) යන ඉසව්වලින් තරග වැදීමට නියමිතයි.

2024 පැරා ඔලිම්පික් ක්‍රීඩා උළෙල අගෝස්තු 28 වනදා සිට සැප්තැම්බර් 08 වනදා දක්වා ප්‍රංශයේදී පැවැත්වෙනවා.

එම උළෙලට ක්‍රීඩා ඉසව් 22ක් ඇතුළත් වන අතර රටවල් 189කින් ක්‍රීඩක ක්‍රීඩිකාවන් 4,400කට අධික සංඛ්‍යාවක් ඒ සඳහා සහභාගී වන බවයි වාර්තා වන්නේ.

(colombotimes.lk)