ඉන්දීය ප්‍රිමියර් ලීග් තරගාවලියේ රාජස්ථාන් රෝයල්ස් කණ්ඩායමේ ප්‍රධාන පුහුණුකරු ලෙස රාහුල් ඩ්‍රාවිඩ්ව පත් කර තිබෙනවා.

ඔහු ඉන්දීය ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කළ අතර ඔහුගේ ධූර කාලය පසුගිය T20 ලෝක කුසලානයෙන් පසු අවසන් වුණා.

IPL 2012 වසරේදී සහ 2013 වසරේදී ඔහු රාජස්ථාන් කණ්ඩායමේ නායකයා වූ අතර 2014 සහ 2015 වසරවලදී රාජස්ථාන් කණ්ඩායම් අධ්‍යක්ෂක සහ උපදේශක ලෙස කටයුතු කර තිබෙනවා.

රාහුල් එම කණ්ඩායමේ ප්‍රධාන පුහුණුකරු ධූරයට පත් වුවද රාජස්ථාන් රෝයල්ස් කණ්ඩායමේ ක්‍රිකට් අධ්‍යක්ෂකවරයා ලෙස කටයුතු කරන කුමාර් සංගක්කාර තවදුරටත් එම ධූරයේ රැඳී සිටින බව විදෙස් මාධ්‍ය වාර්තා කළා.  

2025 IPL තරගාවලියේ ක්‍රීඩක වෙන්දේසිය ඉදිරියේදී පැවැත්වීමට නියමිතව තිබෙනවා. 

(colombotimes.lk)