කොදෙව් - ශ්‍රී ලංකා T20 තරගාවලියේ පළමු තරගය මේ වන විට පැවැත්වෙනවා.

ඒ රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදීයි.

තරගයේ කාසියේ වාසිය ජයග්‍රහණය කළ කොදෙව් කණ්ඩායම පළමුව පන්දු රැකීමට තීරණය කළා.

ඒ අනුව පළමුව පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 179ක් රැස් කිරීමට සමත් වුණා.

එහිදී නායක චරිත් අසලංක ලකුණු 59ක් සහ කමිඳු මෙන්ඩිස් ලකුණු 51ක් රැස් කළා.

ඒ අනුව මෙම තරගය ජයග්‍රහණය කිරීමට කොදෙව් කණ්ඩායමට හිමි වන ඉලක්කය ලකුණු 180ක්.

(colombotimes.lk)