කැරිබියන් ප්‍රිමියර් ලීග් තරගාවලියේ St Kitts & Nevis Patriots කණ්ඩායමට එරෙහිව පැවති තරගය කඩුලු 2කින් ජය ගැනීමට barbados royals කණ්ඩායම සමත්වුණා.

තරගයේ පළමුව පන්දුවට පහර දුන් St Kitts & Nevis Patriots කණ්ඩායම නියමිත පන්දුවාර 20 අවසානයේ කඩුලු 8ක් දැවී ලකුණු 153ක් රැස් කරගත්තා.

එහිදී වනිඳු හසරංග පන්දු 27කින් වේගවත් ලකුණු 43ක් රැස් කළා.

barbados royals කණ්ඩායම වනුවෙන් පන්දු යැවීමේදී දුනිත් වෙල්ලාලගේ කඩුලු 3ක් සහ මහීෂ් තීක්ෂණ කඩුලු 2ක් බිඳ හෙලීමට සමත් වුණා.

ඒ අනුව ලකුණු 154ක ජයග්‍රාහී ඉලක්කයක් හඹා ගිය barbados royals කණ්ඩායම පන්දුවාර 19යි පන්දු 5ක් අවසානයේ තරගයේ ජය හිමි කරගත්තා.

එහිදී දුනිත් වෙල්ලාලගේ ලකුණු 39ක් රැස් කිරීමට සමත් වුණා.  

(colombotimes.lk)