உலக கால்பந்து ரசிகர்களின் பெரும் கவனத்தை ஈர்த்துள்ள 2026 FIFA World Cup கால்பந்து உலகக் கோப்பை தொடர் நேற்று (11) அதிகாரப்பூர்வமாக ஆரம்பமானது.

தொடக்கப் போட்டியில் Mexico அணி, South Africa அணியை 2-0 என்ற கோல் கணக்கில் வீழ்த்தி சிறப்பான வெற்றியைப் பதிவு செய்தது.

இந்தப் போட்டி, உலகக் கோப்பை போட்டிகளை மூன்று முறை நடத்திய புகழ்பெற்ற Estadio Azteca மைதானத்தில் நடைபெற்றது.

மெக்சிகோ அணிக்காக முதல் கோலைப் பதிவு செய்தவர் Julián Quiñones ஆவார்.

இதனால் முதல் பாதி முடிவில் மெக்சிகோ அணி 1-0 என்ற கணக்கில் முன்னிலை பெற்றிருந்தது.

இரண்டாம் பாதியில் சிறப்பாக விளையாடிய மெக்சிகோ வீரர்கள், ஆட்டத்தின் 67வது நிமிடத்தில் மேலும் ஒரு கோலைப் பெற்றனர்.

இதன் மூலம் நிர்ணயிக்கப்பட்ட நேர முடிவில் தென்னாப்பிரிக்காவை 2-0 என்ற கோல் கணக்கில் வீழ்த்தி, இந்த உலகக் கோப்பை தொடரின் முதல் வெற்றியை மெக்சிகோ அணி பதிவு செய்தது.

போட்டி முழுவதும் கடும் பரபரப்பும் பதற்றமும் நிலவிய நிலையில், நடுவரால் மொத்தம் 3 சிவப்பு அட்டைகள் வழங்கப்பட்டமை குறிப்பிடத்தக்கது.

அதில் தென்னாப்பிரிக்க அணியின் இரு வீரர்களும், மெக்சிகோ அணியின் தலைவரும் சிவப்பு அட்டை பெற்று மைதானத்திலிருந்து வெளியேற்றப்பட்டதாக தகவல்கள் தெரிவிக்கின்றன.

(colombotimes.lk)