ටෙස්ට් ක්‍රිකට් ඉතිහාසයේ පළමුවරට නවසීලන්ත කණ්ඩායම ඉන්දියාව තුළදී ඉන්දියාවට එරෙහිව ටෙස්ට් තරගාවලි ජයක් වාර්තා කිරීමට සමත් වුණා.

ඒ දෙරට අතර පැවති දෙවන ටෙස්ට් තරගය නවසීලන්ත කණ්ඩායම ලකුණු 113කින් ජයග්‍රහණය කිරීමත් සමඟයි.

දෙරට අතර පැවති පළමු ටෙස්ට් තරගයද විශිෂ්ට ලෙස නවසීලන්තය ජයග්‍රහණය කළා.

2012 වසරෙන් පසුව ඉන්දියාව සිය මව්බිමේදී පරාජ වූ පළමු ටෙස්ට් තරගාවලිය ලෙසද මෙය වාර්තා පොත් අතරට එක් වුණා.

තරගයේ පළමුව පන්දුවට පහර දුන් නවසීලන්තය ලකුණු 259ක් රැස් කළ අතර ඉන්දියාවට සිය පළමු ඉනිමට රැස් කර ගැනීමට හැකි වුණේ ලකුණු 156ක් පමණයි.

නවසීලන්ත කණ්ඩායම සිය දෙවන ඉනිමට රැස් කරගත් ලකුණු සංඛ්‍යාව ලකුණු 255ක්.

කෙසේ වෙතත් තරගයේ ජයග්‍රහණය වෙනුවෙන් සිය දෙවන ඉනිමේදී ලකුණු 359ක ඉලක්කයක් හඹා ගිය ඉන්දියාවට ලබා ගැනීමට හැකි වුණේ ලකුණු 245ක් පමණයි.

දෙරට අතර පැවැත්වෙන අවසන් ටෙස්ට් තරගය නොවැම්බර් පළමු වනදා මුම්බායිහීදී ආරම්භ වනවා.

(colombotimes.lk)