ඇෆ්ගනිස්ථානයේ දඟ පන්දු යවන ක්‍රීඩක රෂීඩ් ඛාන් ටෙස්ට් ක්‍රිකට් තරගවලින් විවේකයක් ලබා ගෙන තිබෙනවා.

ඇෆ්ගනිස්ථාන ක්‍රිකට් ආයතනයේ නිලධාරියෙක් සඳහන් කළේ රෂීඩ් ඛාන්ට තිබෙන ආබාධ තත්ත්වයක් හේතුවෙන් ටෙස්ට් තරග ක්‍රීඩා නොකරන ලෙස වෛද්‍යවරු උපදෙස් ලබා දී ඇති බවයි.

ඒ අනුව ලබන මාසයේ නවසීලන්තයට එරෙහිව පැවැත්වෙන ටෙස්ට් තරගය සඳහා වන සංචිතයට ඇතුළත් නොවන බවයි වාර්තා වන්නේ.

රෂීඩ් ඛාන් අවසන් වරට ටෙස්ට් තරගයක් ක්‍රීඩා කළේ 2021 වසරේ මාර්තු මාසයේදීයි.

(colombotimes.lk)