තද සුළං සහ රළු මුහුද ගැන රතු අනතුරු ඇඟවීමක්

BY COLOMBO TIMES ON December 01, 2023 - 5:07 PM

ගිණිකොන දිග බෙංගාල බොක්ක ආශ්‍රිතව පැවති අඩු පීඩන කලාපය පීඩන අවපාතයක් දක්වා වර්ධනය වී තිබෙන බව නිවේදනයක් නිකුත් කරමින් කාලගුණ විද්‍යා දෙපාර්තමේන්තුව පවසනවා.

එය ත්‍රිකුණාමලයේ සිට කිලෝමීටර් 550ක් පමණ දුරින් 9.5°N සහ දේශාංශ 86.0°E ආසන්නයේ පිහිටා තිබෙන බවයි එම නිවේදනයේ දැක්වෙන්නේ.

හෙට දිනය වන විට එය ගැඹුරු පීඩන අවපාතයක් දක්වා වර්ධනය වන අතර 2023 දෙසැම්බර් 03 වන විට එය සුළි කුණාටුවක් දක්වා වර්ධනය වනු ඇති බවයි එම දෙපාර්තමේන්තුව පැවසුවේ.

මෙම පද්ධතිය ශ්‍රී ලංකාවේ උතුරු වෙරළට ආසන්නව බටහිර දෙසට වයඹ දෙසට ගමන් කර 2023 දෙසැම්බර් 04 වන විට උතුරු තමිල්නාඩු වෙරළට ගමන් කරනු ඇතැයි අපේක්ෂා කෙරෙනවා.
(colombotimes.lk)