සංචාරක නවසීලන්ත කණ්ඩායම සහ ශ්‍රී ලංකා කණ්ඩායම අතර පැවැත්වෙන තරග 2කින් සමන්විත ටෙස්ට් ක්‍රිකට් තරගාවලියේ පළමු තරගය අද (18) ආරම්භ වුණා.

ඒ ගාල්ල ජාත්‍යන්තර ක්‍රිකට් ක්‍රීඩාංගණයේදීයි.

තරගයේ කාසියේ වාසිය ජයග්‍රහණය කළ ශ්‍රී ලංකා කණ්ඩායම පළමුව පන්දුවට පහර දීමට තීරණය කළා.

ඒ අනුව පළමු දිනයේ දිවා ආහාරය සඳහා තරගය නතර කරන විට සිය පළමු ඉනිම ක්‍රීඩා කරන ශ්‍රී ලංකාව කඩුලු 2ක් දැවී ලකුණු 88ක් රැස් කරගත්තා.
 
එහිදී කමිඳු මෙන්ඩිස් ලකුණු 13ක් සහ දිනේෂ් චන්දිමාල් ලකුණු 30ක් රැස් කරගෙන නොදැවී කඩුල්ලේ රැඳී සිටිනවා.

දිමුත් ලකුණු 2කට දැවී ගිය අතර පැතුම් නිස්සංක ලකුණු 27කට දැවීගියා.

එමෙන්ම ලකුණු 12ක් ලබාගෙන සිටියදී ආබාධයකට ලක් වූ ඇන්ජලෝ මැතිව්ස්ට පිටියෙන් ඉවත්වීමට සිදු වුණා.

(colombotimes.lk)