இந்தியப் பிரதமர் ஸ்ரீ நரேந்திர மோடி, ஜனாதிபதி அனுர குமார திசாநாயக்கவுடன் இணைந்து, இன்று (06) காலை அனுராதபுரத்தில் உள்ள வரலாற்று சிறப்புமிக்க ஜெய ஸ்ரீ மகா போதிக்கு வழிபாடு நடத்தினார்.

உடமலுவவுக்கு வந்த இந்தியப் பிரதமர், அட்டமஸ்தானாதிபதியும் நுவரெலியாவின் பிரதான சங்கநாயக்கருமான அதி வணக்கத்திற்குரிய பல்லேகம ஹேமரதன நாயக்க தேரரை சந்தித்து, உரையாடலில் ஈடுபட்டதாகத் தெரிவிக்கப்படுகிறது.

1960களில் தனது சொந்த ஊரான குஜராத்தில் மேற்கொள்ளப்பட்ட அகழ்வாராய்ச்சியின் போது புத்தரின் நினைவுச்சின்னங்கள் கண்டுபிடிக்கப்பட்டதாக நரேந்திர மோடி கூறினார்.

அந்த நினைவுச்சின்னங்களை இலங்கையில் காட்சிப்படுத்துவதற்கான வாய்ப்பை வழங்குவதற்காக இலங்கை ஜனாதிபதியுடன் கலந்துரையாடல்கள் நடத்தப்படும் என்றும் அவர் கூறினார்.

இலங்கைக்கான தனது உத்தியோகபூர்வ பயணத்தை முடித்துக்கொண்டு இந்தியப் பிரதமர் தற்போது தமிழகம் புறப்பட்டுச் சென்றுள்ளார்.

(colombotimes.lk)