ඊයේ රාත්රියේ නිමා වූ ශ්රී ලංකා-ඇෆ්ගනිස්ථාන 3වැනි 20යි 20 තරගයෙන් ඇෆ්ගනිස්ථානය ලකුණු 3ක තියුණු ජයක් ලබා ගත්තා.ඒ දඹුල්ල ජාත්යන්තර ක්රිකට් ක්රීඩාංගණයට එක්ව සිටි 20,000ක ආසන්න ලාංකික ප්රේක්ෂකයින්ගේ ඇසට කඳුලක් ද එක් කරමින්.
මෙම තරගයේ අවසන් පන්දුවාරයේදී ශ්රී ලංකාවට ජයග්රහණය සඳහා ලකුණු 19ක් අවශ්ය වුවත් පිටියේ රැදී සිටි කමිදු මෙන්ඩිස්ට ලබා ගත හැකි වූයේ ලකුණු 16ක් පමණි.
අවසන් පන්දුවාරයේදී සිව්වැනි පන්දුවේදී කමිදු මෙන්ඩිස් මුහුණ දුන් High full toss පන්දුව ලින්ඩන් හැනිබල් විනිසුරු විසින් නිපන්දුවක් ලෙස සටහන් නොකිරීම නිසා මතභේදාත්මක තත්ත්වයක් ඇතිවුණා.
එය නිපන්දුවක් ලෙස විනිසුරු සටහන් කරානම්,ශ්රී ලංකාවේ ඉරණම මීට වඩා බොහෝසෙයින් වෙනස් වන්නට ඉඩ තිබූ බවයි විචාරකයන්ගේ මතය.