වුහාන් හි කොවිඩ් -19 වසංගතයේ මුල් දිනවල වාර්තා කිරීම හේතුවෙන් වසර හතරක් සිරගතව සිටි චීන ජාතික මාධ්‍යවේදිනියක නිදහස් කිරීමට නියමිත බව විදෙස් මාධ්‍ය වාර්තා කළා.

ගෝලීය වසංගතයක ආරම්භය බවට පත් වූ වෛරසය සම්බන්ධයෙන් චීන රජයේ ප්‍රතිචාරය ලේඛනගත කිරීම සඳහා හිටපු නීතිඥයෙකු වන ෂැං ෂැන් 2020 පෙබරවාරි මාසයේදී වුහාන් වෙත ගොස් තිබෙනවා.

එහිදී ඇය Twitter, YouTube සහ WeChat හි ඇගේ වාර්තා බෙදා ගත් බවයි සඳහන් වන්නේ.

ඇයගේ එක් වීඩියෝ පටයක ට්‍රොලිවල රෝගීන්ගෙන් පිරී ඉතිරී යන රෝහලක් පෙන්වා තිබෙනවා.

ෂැං 2020 මැයි මාසයේදී අත්අඩංගුවට ගනු ලැබූ අතර “ආරවුල් ඇති කර ගැනීම සහ කරදර ඇති කිරීම” සම්බන්ධයෙන් වසර හතරක සිර දඬුවමක් නියම කළා.

එතැන් සිට ඇය ෂැංහයි කාන්තා බන්ධනාගාරයේ රඳවා තිබුණා.

(colombotimes.lk)