ජාත්‍යන්තර අපරාධ අධිකරණයේ (ICC) ප්‍රධාන අභිචෝදකයා ඊශ්‍රායල අගමැති බෙන්ජමින් නෙතන්යාහු සහ ගාසාවේ හමාස් නායකයා යුද අපරාධ සම්බන්ධයෙන් අත්අඩංගුවට ගැනීමට වරෙන්තු ඉල්ලා ඇති බව විදෙස් මාධ්‍ය වාර්තා කළා.

යුද අපරාධ සහ මනුෂ්‍යත්වයට එරෙහි අපරාධ සම්බන්ධයෙන් දෙදෙනාම සාපරාධී වගකීම දරන බව විශ්වාස කිරීමට සාධාරණ හේතු ඇති බව කරීම් ඛාන් කේසී පවසනවා.

ඊශ්‍රායල ආරක්ෂක අමාත්‍ය යෝව් ගැලන්ට් සහ හමාස් දේශපාලන නායක ඉස්මයිල් හනියේ, එහි හමුදා ප්‍රධානී මොහොමඩ් ඩීෆ් ද අත්අඩංගුවට ගැනීමට අවශ්‍යව සිටින බවයි වාර්තා වන්නේ.

හේග් හි පිහිටි ICCය විසින් පසුගිය වසර තුනක කාලය තුළ ඊශ්‍රායලයේ ක්‍රියා කලාපයන් සහ මෑතදී හමාස් ක්‍රියාවන් පිළිබඳව විමර්ශනය කරමින් සිටින බව සඳහන්.

(colombotimes.lk)