මැතිවරණ නීතිය පිළිබඳ පොලිස් ස්ථානාධිපතිවරුන් සහ ජ්‍යෙෂ්ඨ පොලිස් නිලධාරීන් දැනුවත් කිරීම අද (10) සිට ආරම්භ කිරීමට සැලසුම් කර තිබෙනවා.

ඒ අනුව අද දිනයේ උතුරු, උතුරු මැද සහ දකුණු පළාත්වල නිලධාරීන් සඳහා අදාළ දැනුවත් කිරීම් සිදු කරන බවයි වාර්තා වන්නේ.

මෙය අදියර කිහිපයක් යටතේ සෙසු පළාත්වල පොලිස් නිලධාරීන් ද මේ සම්බන්ධයෙන් දැනුවත් කිරීමට සැලසුම් කර තිබෙනවා.

මැතිවරණ කොමසාරිස් ජනරාල්වරයා සහ පොලීසියේ නීති අංශයේ නිලධාරීන් එක්ව එම දැනුවත්කිරීම සිදු කරන බවයි වාර්තා වන්නේ.

(colombotimes.lk)