යම් හේතුවකින් චීනය ඇමරිකාවට පෙර සඳ මත මිනිස් ජනාවාස ආරම්භ කළහොත් සඳ තමන්ට අයිති භූමියක් බව චීනය ප්‍රකාශ කිරීමට බොහෝ දුරට ඉඩ ඇති බවට නාසා ආයතනයේ ප්‍රධානී බිල් නෙල්සන් අනතුරු අඟවා තිබෙනවා.

ඒ හේතුවෙන් සඳ මත පළමුව ගොඩ බැස එහි පර්යේෂණ සාමකාමී අයුරින් කරගැනීම සඳහා විශාල ප්‍රයත්නයක් දැරීමට සිදු වන බවයි ඔහු සඳහන් කළේ.

ඔහු මේ බව පැවසුවේ, නාසා ආයතනය සඳහා මූල්‍ය වියදම් අනුමත කර ගැනීමේ කමිටුව හමුවේ අදහස් දක්වමින්.

එමෙන්ම චීනය රහසිගතව යුධ ක්‍රියාකාරකම් සඳහා අභ්‍යවකාශය භාවිතා කරමින් සිටින බව ඔහු වැඩිදුරටත් පෙන්වා දී තිබෙනවා.
(colombotimes.lk)