මේ ලෝක කුසලානයේ පළමු අවසන් පූර්ව තරගය ක්‍රීඩා කළේ ශ්‍රී ලංකා කණ්ඩායම සහ ඉන්දීය කණ්ඩායම. ලකුණු 252ක් හඹා යාමේදී 120/8 දක්වා පහත වැටුණු ඉන්දීය ක්‍රිකට් කණ්ඩායමේ දුර්වල පිතිහරඹය හේතුවෙන් සහ ක්‍රීඩා ලෝලීන්ගේ කරදර හේතුවෙන් තරගයට බාධා එල්ල වීමත් සමඟ ඒ අවසන් පූර්ව තරගයේ ජය ශ්‍රී ලංකා කණ්ඩායමට හිමි වුණා. ඒ අනුව ලෝක කුසලානයේ අවසන් මහ තරගයේ තම ස්ථානය වෙන් කරගන්නට ශ්‍රී ලංකා කණ්ඩායම සමත් වුණා.

 
1996 ලෝක කුසලානයේ අවසන් මහ තරගය පැවැත් වෙන්නේ මාර්තු 17 වැනිදා පාකිස්තානයේ ලාහෝර් නුවර ගඩාෆි ක්‍රීඩාංගණයේදී. මේ තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම සමත් වෙනකොට ඔවුන් තීරණය කරන්නේ පළමුව පන්දු යැවීමටයි. ඒ අනුව පිටියට පිවිසෙන ඕස්ට්‍රේලියා කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 241ක් ලබා ගන්නවා. ඕස්ට්‍රේලියා කණ්ඩායමේ නායකයා වන Mark Taylor ලකුණු 74ක් සහ රිකී පොන්ටින් ලකුණු 45ක් රැස් කළා. ශ්‍රී ලංකා කණ්ඩායම වෙනුවෙන් කඩුලු ලබා ගැනීමේදී අරවින්ද කඩුලු 3ක් සහ චමින්ද වාස්, සනත් ජයසූරිය, මුත්තයියා, සහ කුමාර දර්මසෙන කඩුල්ලක් වශයෙන් ලබා ගත්තා.