කොළඹ වරාය නගරය තුළ තීරුබදු රහිත සිල්ලර වෙළඳාම හෝ තීරුබදු රහිත සාප්පු සංකීර්ණ පවත්වාගෙන යාමට උනන්දුවක් දක්වන ආයෝජකයින්ගේ අවශ්‍යතා ඇතුළත් ගැසට් නිවේදනයක් නිකුත් කර තිබෙනවා.

ආයෝජන ප්‍රවර්ධන අමාත්‍යවරයා ලෙස ජනාධිපති රනිල් වික්‍රමසිංහ මහතා විසින් මෙම ගැසට් නිවේදනය නිකුත් කර තිබුණා.

නිවේදනයට අනුව, තීරුබදු රහිත සිල්ලර ව්‍යාපාර පවත්වාගෙන යාමට ආයෝජකයින් අවම වශයෙන් ඩොලර් මිලියන 5ක් ආයෝජනය කළ යුතුයි.

මීට අමතරව, සුදුසුකම් ලැබීමට ප්‍රවර්ධකයාට තීරුබදු රහිත වෙළඳ මෙහෙයුම් පිළිබඳ ගෝලීය අත්දැකීමක් තිබිය යුතුයි.

එමෙන්ම තීරුබදු රහිත සාප්පු සංකීර්ණ පවත්වාගෙන යාමට ආයෝජකයින් අවම වශයෙන් ඩොලර් මිලියන 7ක් ආයෝජනය කළ යුතුයි.

කලාපයේ වෙළෙඳ හා වාණිජ්‍ය කේන්ද්‍රස්ථානයක් බවට පත්වෙමින් තිබෙන කොළඹ වරාය නගරය කෙරෙහි ආයෝජකයන්ගේ උනන්දුව ඉහළ නැංවීමට මෙම තීරණය ගෙන තිබෙනවා.

මෙම මුලපිරීම හරහා නව රැකියා අවස්ථා ඇති කිරීම සහ ශ්‍රී ලංකාවට විදේශ ආයෝජන ගලා ඒම ද වැඩි කරන බවයි වාර්තා වන්නේ.
(colombotimes.lk)