අයිස් මත්ද්‍රව්‍ය කිලෝ ග්‍රෑම් 5කට අධික ප්‍රමාණයක් සමඟ පුද්ගලයෙක්  කටුනායක ගුවන්තොටුපලේදී අත්අඩංගුවට ගෙන තිබෙනවා.

පොලීසිය සඳහන් කළේ මැලේසියාවේ සිට මෙරටට පැමිණි පුද්ගලයෙක් සතුව තිබී අයිස් මත්ද්‍රව්‍ය කිලෝග්‍රෑම් 5යි ග්‍රෑම් 26ක් පොලිස් මත්ද්‍රව්‍ය කාර්යාංශ ගුවන්තොටුපොළ ඒකකයේ නිලධාරීන් විසින් සොයාගෙන ඇති බවයි.

එලෙස අත්අඩංගුවට ගත් සැකකරු ගොතටුව ප්‍රදේශයේ පදිංචි 51 හැවිරිදි පුද්ගලයෙක් බවයි වාර්තා වන්නේ.

අදාළ සැකකරු රැගෙන යාම සඳහා කටුනායක ගුවන්තොටුපල වෙත පැමිණි පුද්ගලයෙක් සහ කාන්තාවක්ද අත්අඩංගුවට ගෙන තිබෙනවා.

ඔවුන් පැමිණි මෝටර් රථයද පොලීස් භාරයට ගෙන ඇති බවයි වාර්තා වන්නේ.

(colombotimes.lk)