රට තුළ පවතින සහල් සහ වී තොග සම්බන්ධයෙන් පාරිභෝගික කටයුතු පිළිබඳ අධිකාරිය සකස් කළ වාර්තාව ජනාධිපති වෙත අද (28) භාරදීමට නියමිතව තිබෙනවා.

කෘෂිකර්ම අමාත්‍යාංශ ලේකම් එම්. පී. එන්. එම්. වික්‍රමසිංහ සඳහන් කළේ අදාළ වාර්තාව සකස් කිරීම සඳහා මේ වන විට කටයුතු කරමින් සිටින බවයි.

සහල් නිෂ්පාදකයන් සතු තොග පිළිබඳ දත්ත රැස්කර කඩිනමින් තමාට වාර්තාවක් ලබාදෙන ලෙස ජනාධිපතිවරයා දුන් උපදෙස් මත පාරිභෝගික අධිකාරියේ නිලධාරීන් මහා පරිමාණ සහ මධ්‍ය පරිමාණ සහල් මෝල් පරීක්ෂාව පසුගියදා ආරම්භ කළා.

(colombotimes.lk)