මධ්‍යම ගාසා තීරයේ සිය ගණනක් අවතැන් වූවන් පිරුණු එක්සත් ජාතීන්ගේ පාසලකට ඊශ්‍රායලය විසින් ගුවන් ප්‍රහාරයක් එල්ල කර තිබෙනවා.

එම ප්‍රහාරයෙන් පුද්ගලයින් 27 දෙනෙකු මිය ගොස් ඇති බවයි විදෙස් මාධ්‍ය වාර්තා කළේ.

ප්‍රාදේශීය මාධ්‍යවේදීන් කියා සිටියේ ඊශ්‍රායල යුද ගුවන් යානයක් නුසෙයිරාට් සරණාගත කඳවුරේ පාසලක ඉහළ මහලේ පන්තිකාමර වෙත මිසයිල දෙකක් එල්ල කළ බවයි.

ප්‍රහාරයට ලක්වූවන් රෝහල වෙත රැගෙනයාම සඳහා මේ වන විටත් විශේෂ ගිලන්රථ සහ ගලවා ගැනීමේ කණ්ඩායම් යොදවා ඇති බවයි වාර්තා වන්නේ.
(colombotimes.lk)