මේ වන විට ක්‍රියාත්මක 2024 අංක 36 දරන විදුලි බල පනත යළි සලකා බැලීමට කැබිනට් අනුමැතිය හිමි වී තිබෙනවා.

එම පනත සංශෝධනය කිරීම සඳහා සුදුසු නිර්දේශ ලබා ගැනීම වෙනුවෙන් අමාත්‍ය මණ්ඩලයේ අනුමැතිය මත බල ශක්ති අමාත්‍යාංශයේ ලේකම්වරයා විසින් විශේෂඥ කමිටුවක් පත් කර ඇති බවයි වාර්තා වන්නේ.

අදාළ කමිටුව විසින් විදුලි බල ක්ෂේත්‍රයේ ප්‍රධාන පාර්ශ්වකරුවන්ගේ අදහස් විමසීමට පියවර ගෙන තිබෙනවා.

ඒ අනුව දැනුම් හුවමාරු සැසි පැවැත්වීමටත්, අදහස් හා යෝජනා ලිඛිතව ලබා ගැනීමටත් කටයුතු කර ඇති අතර පාර්ශ්වකරුවන් 59දෙනෙක් විසින් අදහස් හා යෝජනා ලිඛිතව ඉදිරිපත් කර ඇති බව කැබිනට් තීරණයේ සඳහන්.

එම අදහස් හා යෝජනා සැලකිල්ලට ගනිමින් විශේෂඥ කමිටුව විසින් 2024 අංක 36 දරන විදුලිබල පනත සඳහා යෝජිත සංශෝධන ඇතුළත් අවසන් වාර්තාව ඉදිරිපත් කර තිබෙනවා.