එළඹෙන සිකුරාදා සහ සෙනසුරාදා යන දිනවලදී දකුණු කොරියාවේ තානාපති කාර්යාලය ජනතාව සඳහා විවෘත නොවන බව එරට පිහිටි ශ්‍රී ලංකා තානාපති කාර්යාලය නිවේදනයක් නිකුත් කරමින් සඳහන් කළා.

ඒ දකුණු කොරියාවේ සෝල් අගනුවර ඇති විය හැකි නොසන්සුන්කාරී තත්ත්වයක් හේතුවෙන්.

එරට තානාපති කාර්යාලය ජනතාවගෙන් ඉල්ලා සිටින්නේ සියලු ශ්‍රී ලාංකිකයන්ට හදිසි අවශ්‍යතාවක් නොමැති නම් අදාළ දිනවලදී සෝල් නගරය වෙත පැමිණීම අවම කරන ලෙසයි.

එමෙන්ම හදිසි අවස්ථාවකදී 02-735-2966, 02-735-2967 සහ 02-794-2968 යන දුරකථන අංකවලට ඇමතුමක් ලබාදෙන ලෙසද ඉල්ලීමක් කර තිබෙනවා.

(colombotimes.lk)