05 April 2025


Grave of the Fireflies ප්‍රේක්ෂකයන්ට නැරඹීමට අවස්ථාවක්



මෙතෙක් නිපද වූ වඩාත්ම සංවේදී යුද චිත්‍රපටයක් වන Grave of the Fireflies චිත්‍රපටය දැන් Netflix සහ Amazon Prime Video හරහා ප්‍රේක්ෂකයින්ට නැරඹිය හැකියි.

අහිංසක ජීවිත කෙරෙහි යුද්ධයේ බලපෑම පිළිබඳ හද කම්පා කරවන නිරූපණයන් සහිත මෙම චිත්‍රපටය ජපානයේ නිෂ්පාදිත චිත්‍රපටයක්.

මෙම Grave of the Fireflies චිත්‍රපටය Isao Takahata විසින් අධ්‍යක්ෂණය කළ අතර එය මුලින්ම 1988දී නිකුත් කරනු ලැබූවා.

Grave of the Fireflies චිත්‍රපටයේ 14 හැවිරිදි පිරිමි ළමයෙකු වන Seita සහ ඔහුගේ බාල සොහොයුරිය වන Setsukoගේ ඛේදජනක ගමනයි නිරූපණය කෙරෙන්නේ.

දෙවන ලෝක යුද්ධයේ පසුබිමට එරෙහිව සකස් කරන ලද මෙම චිත්‍රපටය, ගුවන් ප්‍රහාරයකින් තම මව අහිමි වී තමන්වම ආරක්ෂා කරගැනීමට සිදු වීමෙන් පසු Seita සහ ඔහුගේ බාල සොයුරියගේ පැවැත්ම සඳහා කරන අරගලය නිරූපණය කරනවා.

යුද්ධයෙන් විනාශ වූ ජපානය ඔස්සේ කතාව දිගහැරෙන අතර අර්බුදකාරී කාලවලදී ඔරොත්තු දීමේ හැකියාව, ආදරය සහ සමාජයේ උදාසීනත්වය පිළිබඳව මෙම චිත්‍රපටය මඟින් ඉදිරිපත් කරනවා.

'Grave of the Fireflies' චිත්‍රපටය නිකුත් වූ පසු, එය විශිෂ්ට කෘතියක් ලෙස නිර්මාණය වූ අතර, ප්‍රසිද්ධ විචාරක
Roger Ebert එය 'මෙතෙක් නිර්මාණය කරන ලද බලවත්ම යුද චිත්‍රපටවලින් එකක්' ලෙස හඳුන්වනු ලැබුවා.

Studio Ghibli හි සම-නිර්මාතෘවරයෙකු ලෙස, Isao Takahata Hayao Miyazakiගේ වඩාත් අපූරු කතාන්දර කීමේ හැකියාවට හාත්පසින්ම වෙනස් වූ අද්විතීය කතාන්දර කීමේ විලාසයක් මෙම චිත්‍රපටයේ දක්නට ලැබෙනවා

My Neighbour Totoro' සහ 'Spirited Away' වැනි චිත්‍රපට ප්‍රේක්ෂකයින් සුන්දර ලෝකයන් වෙත රැගෙන යන නිර්මාණයි.

කෙසේ වෙතත් 'Grave of the Fireflies' තියුණු යථාර්තවාදය මත පදනම්වයි.

එමෙන්ම මෙම 'Grave of the Fireflies' චිත්‍රපටය මේ වන විට ජපානය හැර රටවල් 190කට වැඩි සංඛ්‍යාවකට Netflix හරහා මෙන්ම Amazon Prime Video හරහා නැරඹීමට අවස්ථාව උදා වී තිබෙනවා.


(colombotimes.lk)