බස්නාහිර පළාත තුළ සහ අධිවේගී මාර්ගවල අද (28) සිට Govpay හරහා ස්ථානීය දඩ අය කරගැනීමේ ක්‍රමවේදය ක්‍රියාත්මක කර තිබෙනවා. 

මේ සම්බන්ධයෙන් දැනුවත් කිරීමේ මාධ්‍ය හමුවකට එක්වෙමින් ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මේ බව ප්‍රකාශ කළා. 

අමාත්‍යවරයා වැඩිදුරටත් සඳහන් කළේ එම කටයුත්ත සාර්ථක කරගැනීම සඳහා අවශ්‍ය නිලධාරීන්ට මේ වන විට පුහුණුව ලබාදී ඇති බවයි.

එමෙන්ම අද (28) රථ වාහන පොලීසියේ නිලධාරීන් 1000කට දුරකථන ලබාදීමට නියමිත බවද අමාත්‍යවරයා වැඩිදුරටත් සඳහන් කළා. 

අමාත්‍යවරයා වැඩිදුරටත් සඳහන් කළේ ඩිජිටල් කටයුතු අමාත්‍යාංශයේ දැඩි කැපවීම මත මෙම කටයුත්ත ඉතා ඉක්මනින් ආරම්භ කිරීමට හැකියාව හිමිවූ බවයි. 

(colombotimes.lk)