ඉන්දුනීසියානු රජයට එරෙහිව ඊයේ (29) පැවති විරෝධතාවයක් ප්‍රචණ්ඩ මුහුණුවරක් ගෙන තිබෙනවා. 

විදෙස් මාධ්‍ය වාර්තා කළේ පෙරේදා පැවති විරෝධතාවයක් අතරතුර පොලිස් වාහනයක ගැටී පුද්ගලයෙක් මියයාමට එරෙහිව ඊයේ (29) මෙම විරෝධතාවය  පවත්වා තිබෙන බවයි. 

ඉන්දුනීසියාව තුළ දේශපාලන සහ ආර්ථික ප්‍රතිසංස්කරණ සිදු කරන ලෙස එරට රජයට බලකරමින් ජකර්තා අගනුවරදී විරෝධතා මාලාවක් පසුගිය බ්‍රහස්පතින්දා පවත්වා තිබෙනවා. 

එම විරෝධතාකරුවන් විසිරුවා හැරීමට කැරලි මර්දන පොලීසිය කටයුතු කරමින් සිටින අතරතුර පොලිස් වාහනයක ගැටී යතුරුපැදිකරුවෙක් මියගොස් තිබෙන බවයි වාර්තා වන්නේ. 

එම සිදුවීමට විරෝධය පළ කරමින් ඊයේ (29) එරට බන්ඩුන්ග් නගරයේදී විරෝධතා පැවැති අතර එම විරෝධතා ප්‍රචණ්ඩ මුහුණුවරක් ගෙන තිබෙනවා. 

විදෙස් මාධ්‍ය වාර්තා කළේ විරෝධතාකරුවන් ගොඩනැගිලි ගිනි තබමින් සහ දේපළවලට හානි කරමින් විරෝධය පළකර ඇති බවයි. 

රට තුළ පොලිස් ප්‍රතිසංස්කරණ සිදු කරන ලෙස ද ඔවුන් එහිදී රජයට බලකර තිබෙනවා. 

මෙම විරෝධතා හේතුවෙන් අග්නිදිග ආසියාවේ විශාලතම ආර්ථිකය ලෙස සැලකෙන ඉන්දුනීසියාව පිළිබඳව ආයෝජකයන්ගේ විශ්වාසයද පහත වැටී ඇති බවයි වාර්තා වන්නේ. 

(colombotimes.lk)