මධ්‍යම කඳුකරයේ බටහිර බෑවුම් ප්‍රදේශවලට මාස 02කට ආසන්න කාලයක් පැවති අධික වියළි කාලගුණික තත්ත්වය නිමා කරමින් අද (03) පස්වරුවේ කාසල්රි ජලාශයේ ප්‍රධාන ජල පෝෂක ප්‍රදේශවලට වර්ෂාපතනයක් පතිත වී තිබෙනවා.

බගවන්තලාව, හැටන්, දික්ඔය සහ නෝර්වුඩ් යන ප්‍රදේශවල මෙම වැසි තත්ත්වය හටගෙන තිබෙන බවයි වාර්තා වන්නේ.

පසුගිය දිනවල එම ප්‍රදේශවල පැවති වියළි කාලගුණික තත්ත්වය හේතුවෙන් උග්‍ර පානීය ජල ගැටළුවක්ද මතු වී තිබෙනවා.

නමුත් මේ වන විට එම ප්‍රදේශවලට ඇදහැලෙන අධික වර්ෂාපතනයත් සමඟ කාසල්රි ජලාශයට ගලා බසින කෙසේල්ගමුඔයේ ජල මට්ටමද ඉහළ ගොස් තිබෙන බවයි වාර්තා වන්නේ.  

(colombotimes.lk)