මෙම වසරේ ජනවාරි සිට මාර්තු දක්වා ගත වූ මාස 3 තුළ පමණක් මාරක රිය අනතුරු 565ක් සිදුවී තිබෙනවා.

පොලීසිය සඳහන් කළේ ඉන් පුද්ගලයන් 592ක් මියගොස් ඇති බවයි.

විවිධ අවශ්‍යතා සඳහා නිවසින් පිටව යන පුද්ගලයන් 7-8 අතර දිනකට රිය අනතුරු හේතුවෙන් ජීවිතක්ෂයට පත්වන බව ශ්‍රී ලංකා පොලිසියේ රථවාහන අංශයේ ප්‍රධානී, නියෝජ්‍ය පොලිස්පති ඉන්දික හපුගොඩ සඳහන් කළා.

ඔහු වැඩිදුරටත් කියා සිටියේ සමස්තයක් ලෙස 2023 වසරේ මාරක රිය අනතුරු 2,231ක් සිදුවී ඇති බවයි.

එමෙන්ම ඉන් 2341ක් ජීවිතක්ෂයට පත්වී ඇති බවත් 2024 වසරේ දී සිදු වූ මාරක රිය අනතුරු 2403ක් අතරින් 2,521ක් මියගොස් ඇති බවත් ඔහු වැඩිදුරටත් කියා සිටියා.

ඔහු කියා සිටියේ සමස්තයක් ලෙස මෙරට ලියාපදිංචි වාහනවලින් 72%ක් යතුරුපැදි හා ත්‍රිරෝද රථ වන බවයි.

(colombotimes.lk)