අද දවස උණුසුම් කළ පුවත් සියල්ල මෙන්න | The 7PM Report

BY COLOMBO TIMES ON August 26, 2025 - 6:24 PM

01. රනිල්ට අධිකරණයෙන් දුන් නියෝගය

පොදු දේපළ පනත යටතේ රක්ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහව ඇප මත මුදාහැරීමට කොටුව මහේස්ත්‍රාත් අධිකරණය නියෝගය කර තිබෙනවා.

ඔහුව රුපියල් ලක්ෂ 50ක ශරීර ඇප 03ක් මත මුදා හැරීමට නියෝග කර තිබෙන බවයි වාර්තා වන්නේ.

අපරාධ පරීක්ෂණ දෙපාර්තමේන්තුව සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ කොටුව මහේස්ත්‍රාත් නිලුපුලි ලංකාපුර මෙනවිය මෙම නියෝගය නිකුත් කර තිබෙනවා.

මෙහිදී ඉදිරිපත් කළ වෛද්‍ය වාර්තා ද සලකා බැලීමෙන් අනතුරුව මෙම නියෝගය නිකුත් කර තිබෙන බවයි වාර්තා වන්නේ.

02. රනිල්ගේ මීළඟ නඩු දිනය දැනුම්දෙයි

පොදු දේපළ පනත යටතේ රක්ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහව ඇප මත මුදාහැරීමට කොටුව මහේස්ත්‍රාත් අධිකරණය නියෝගය කර තිබෙනවා.

ඒ රුපියල් ලක්ෂ 50ක ශරීර ඇප 03ක් මතයි.

හිටපු ජනාධිපති රනිල් වික්‍රමසිංහ සම්බන්ධ නීති කෘත්‍යය එළඹෙන ඔක්තෝබර් මස 29වනදා කැඳවීමට කොළඹ කොටුව මහේස්ත්‍රාත් අධිකරණය අද (26) තීරණය කර තිබෙනවා.

03. ශෂීන්ද්‍ර රාජපක්ෂ යළි රිමාන්ඩ්

දූෂණ චෝදනාවක් සම්බන්ධයෙන් රක්ෂිත බන්ධනගාරගත කළ හිටපු රාජ්‍ය අමාත්‍ය ශෂීන්ද්‍ර රාජපක්ෂ තවදුරටත් රක්ෂිත බන්ධනාගාර ගත කරන ලෙස කොළඹ මහේස්ත්‍රාත් අධිකරණය නියම කර තිබෙනවා.

ඒ එළඹෙන 29වනදා දක්වායි.

අල්ලස් කොමිසමේ නිලධාරීන් සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්‍රධාන මහේස්ත්‍රාත් අසංක බෝදරගම මහතා මෙම නියෝගය නිකුත් කර තිබෙනවා.

04. ශ්‍රී ලංකා රේගු දෙපාර්තමේන්තුවේ නව අධ්‍යක්ෂ ජනරාල්වරයා පත්කරයි

ශ්‍රී ලංකා රේගු දෙපාර්තමේන්තුවේ නව අධ්‍යක්ෂ ජනරාල් ධූරයට සීවලි අරුක්ගොඩ අද (26) සිට බලපැවැත්වෙන පරිදි පත්කර තිබෙනවා.

ඒ අනුව සීවලි අරුක්ගොඩ 45 වන රේගු අධ්‍යක්ෂ ජනරාල්වරයා බවයි වාර්තා වන්නේ.

සීවලි අරුක්ගොඩ රේගු දෙපාර්තමේන්තුවේ මාධ්‍ය ප්‍රකාශකවරයා ලෙස ද කටයුතු කර තිබෙනවා.

05. මිනිස් මාංශ පණපිටින් බුදින පණුවෙක් ගැන අනාවරණයක්

සත්ත්ව මාංශ භක්ෂණය කරමින් වැඩෙන ස්කෘෘවර්ම් (screwworm) නම් පරපෝෂිත ආසාදිතයෙක් පළමුවරට හඳුනාගෙන තිබෙනවා.

විදෙස් මාධ්‍ය වාර්තා කළේ එම ආසාදිතයා මෑතකදී ග්වාතමාලාහී සිටි ඇමරිකාවේ මේරිලෑන්ඩ් ප්‍රාන්තය වෙත පැමිණි පුද්ගලයෙක් බවයි.

ගවයන් ඇතුළු වන සතුන්ගේ මාංශ එම සතුන් පණ පිටින් සිටියදී භක්ෂණය කරන මෙම පරපෝෂි විශේෂය සුලබව හමුවන්නේ මධ්‍යම ඇමරිකාවෙන් සහ දකුණුදිග මෙක්සිකෝව යන කලාපවලින් බව විදෙස් මාධ්‍ය වැඩිදුරටත් සඳහන් කළා.

06. පසුගිය මාසයේ අපනයන ආදායම වාර්තාගත ලෙස ඉහළට

මෙරට මාසයක් තුළ ලබාගත් වැඩිම අපනයන ආදායම පසුගිය ජූලි මාසයේදී වාර්තා වී ඇති බව ශ්‍රී ලංකා අපනයන සංවර්ධන මණ්ඩලය පවසනවා.

එහි සභාපති මංගල විජේසිංහ සඳහන් ක‍ළේ ජූලි මාසයේදී අපනයන ආදායම ඇමරිකානු ඩොලර් මිලියන 1,641ක් දක්වා ඉහළ ගොස් ඇති බවයි.

රජයේ ප්‍රවෘත්ති දෙපාර්තමේන්තුවේ කැඳවා තිබූ මාධ්‍ය හමුවකට එක්වෙමින් අපනයන සංවර්ධන මණ්ඩලයේ සභාපති මංගල විජේසිංහ මේ බව සඳහන් කළා.

(colombotimes.lk)