ජාත්‍යන්තර කරුණු පරීක්ෂා කිරීමේ දිනය අදට (02) යෙදී තිබෙනවා.

එම දිනය නිමිත්තෙන් කරුණු පරීක්ෂා කිරීමේ සහ OSINT පුහුණු මාලාවක් Journo Tips වෙතින් සැලසුම් කර තිබෙන බවයි වාර්තා වන්නේ.
 
මේ සඳහා ශ්‍රී ලාංකික මාධ්‍යවේදීන්ට සම්බන්ධවීමට හැකියාව පවතිනවා.
 
මෙම නව වැඩසටහනේ අරමුණ වන්නේ වැරදි තොරතුරුවලට එරෙහිව මාධ්‍යවේදීන් සවිබල ගැන්වීම, ඩිජිටල් අන්තර්ගතයන් සත්‍යාපනය කිරීම, ව්‍යාජ හිමිකම් හඳුනා ගැනීම සහ පුවත්පත් කලාවේ සදාචාරාත්මක භාවිතයන් ශක්තිමත් කිරීමයි.
 
ජාත්‍යන්තර කරුණු පරීක්ෂාකරුවෙක් සහ මාධ්‍ය සාක්ෂරතා පුහුකරුවෙක් වන NewsMeterහි කරුණු පරීක්ෂා කිරීමේ කණ්ඩායම් සංස්කාරක ධීෂ්මා පුජාක්කල් විසින් මෙම පුහුණුව මෙහෙයවනු ලබනවා.

මෙම පුහුණු සැසිය අප්‍රේල් මස 2, 9 සහ 12 යන දිනවල රාත්‍රී 8 - 9 දක්වා මාර්ගගතව පැවැත්වීමට තීරණය කර තිබෙන බවයි වාර්තා වන්නේ.
 
එමෙන්ම පුහුණු සැසිවලදී සත්‍යාපන ශිල්පීය ක්‍රම, AI නිර්මාණය කරන ලද වැරදි තොරතුරු හඳුනාගැනීම සහ Deepfake විශ්ලේෂණ අංශ කෙරෙහි අවධානය යොමු කිරීමටද තීරණය කර තිබෙනවා.
 
මෙම පුහුණුව සඳහා මාධ්‍යවේදීන්ට, මාධ්‍ය වෘත්තිකයන්ට සහ සන්නිවේදකයන්ට සම්බන්ධ විය හැකියි.
 
එමෙන්ම මෙම පුහුණුව සඳහා ලියාපදිංචි වීම ඇතුලු වැඩි විස්තර tinyurl.com/Jou oTips වෙබ් අඩවිය වෙත පිවිසීමෙන් ඔබට ලබා ගැනීමට හැකියාව පවතිනවා.

Journo Tips යනු මාධ්‍යවේදී සහ කරුණු පරීක්ෂක සඳුන් අරෝෂ ප්‍රනාන්දු විසින් මාධ්‍යවේදීන් අතර සහයෝගීතාවය, පුහුණුව සහ දැනුම බෙදා ගැනීම වර්ධනය කිරීම සඳහා ආරම්භ කරන ලද වේදිකාවක්.

ප්‍රායෝගික වැඩමුළු, ජාලකරණ අවස්ථා සහ ප්‍රායෝගික අභ්‍යාස ලබාදීමෙන් Journo Tips අරමුණු කරන්නේ මාධ්‍ය වෘත්තිකයන්ට නැගී එන ඩිජිටල් ලෝකයේ අභියෝගවලට මුහුණදීමට අවශ්‍ය මෙවලම් පිළිබඳ අවබෝධය ලබාදීමයි.

මේ සම්බන්ධව වැඩිදුර තොරතුරු හෝ මාධ්‍ය විමසීම් සඳහා කරුණාකර පහත දුරකථන අංකය අමතන්න.

+94775060617
jou otipslk@gmail.com


(colombotimes.lk)