පොදු දේපළ පනත යටතේ රක්ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහව ඇප මත මුදාහැරීමට කොටුව මහේස්ත්‍රාත් අධිකරණය නියෝගය කර තිබෙනවා. 

ඒ රුපියල් ලක්ෂ 50ක ශරීර ඇප 03ක් මතයි. 

හිටපු ජනාධිපති රනිල් වික්‍රමසිංහගේ සෞඛ්‍ය තත්ත්වය ගැන ජනාධිපති නීතිඥ අනූජ ප්‍රේමරතන්න විසින් පැහැදිලි කිරීමක් සිදු කර තිබෙනවා. 

ඔහු විසින් පැහැදිලි කළ කරුණු පහතින්,

(01) හෘද වස්තුවේ පටක මියයාමේ තත්ත්වයක්. 

(02) හෘද වස්තුවේ ප්‍රධාන ධමනි 04න් 03ක් අවහිර වී තිබෙන අතර ඉන් එකක් 100%ක් අවහිර වී තිබීම හේතුවෙන් සැත්කම් කිරීමට අපහසුබව වෛද්‍යවරු පෙන්වා දී තිබෙනවා. 

(03) වකුගඩු රෝගී තත්ත්වයෙන් පසුවීම.
 
(04) අවධානම් මට්ටමේ දියවැඩියා තත්ත්වයකින් පසුවීම.
 
(05) අගන්‍යාශයේ ඉහළ කොටසේ අසාදිත තත්ත්වයක්.
 
(06) ශරීරයේ සෝඩියම් අඩු තත්ත්වයක්.
 
(07) අධි රුධිර පීඩන තත්ත්වයක්.
 
(08) පෙනහළු ආශ්‍රිත තත්ත්වයක්.
 
(09) ප්‍රතිශක්තීකරණය හීනවීම.
 
(10) අගෝස්තු මාසයේ වෛද්‍ය වාර්තාද ඉදිරිපත් කර තිබීම.     

මෙම කරුණු සලකා බලා හිටපු ජනාධිපති රනිල් වික්‍රමසිංහ හට ඇප ලබාදීමට කොළඹ මහේස්ත්‍රාත් අධිකරණය නියම කර තිබෙනවා. 

(colombotimes.lk)