බ්‍රිතාන්‍යයට පැමිණෙන යුරෝපීය සංචාරකයන් වෙනුවෙන් විද්‍යුත් අවසර පතක් ලබාගැනීම අනිවාර්ය කර තිබෙනවා.
 
විදෙස් මාධ්‍ය වාර්තා කළේ පවුම් 16ක මුදලක් වැය කර එම අවසරපත් ලබාගත යුතු බවයි.

තම රටට පැමිණෙන සියලුම යුරෝපීයයන් ඉලක්ක කරගනිමින් විද්‍යුත් සංචාරක අවසරපත් නිකුත් කිරීමේ ක්‍රමවේදයක් හඳුන්වාදීමට බ්‍රිතාන්‍යය දැන් පියවර ගෙන තිබෙනවා.

ඒ අනුව නව ක්‍රමවේදය යටතේ බ්‍රිතාන්‍ය දේශසීමාව තරණය කරන සියලුදෙනා මේ විද්‍යුත් සංචාරක අවසරපත් ලබාගැනීම අනිවාර්ය කර තිබෙන බවයි වාර්තා වන්නේ.

එය අප්‍රේල් මස 09වනදා සිට ක්‍රියාත්මක කිරීමට නියමිතව තිබෙනවා.

කෙසේ නමුත් ඔවුන්ට මෙහිදී වීසා ලබාගැනීමට අවශ්‍ය නොවන බවයි වාර්තා වන්නේ.
‍
එමෙන්ම නිල සංඛ්‍යා ලේඛනවලට අනුව 2023 වසරේදී පමණක් යුරෝපා සංචාරකයින් මිලියන 22.5ක් බ්‍රිතාන්‍යයේ සංචාරය කර තිබෙනවා.

මෙම විද්‍යුත් සංචාරක අවසරපත් ක්‍රමවේදය පසුගිය වසරේදී පළමුවරට ක්‍රියාත්මක වුණේ යුරෝපා නොවන සංචාරකයන් ඉලක්ක කරගනිමින්.

කෙසේ නමුත් රටේ දේශසීමාවල ආරක්ෂාව තර කිරීමටද මෙම පියවර ගැනීමට සිදුවූ බව බ්‍රිතාන්‍ය රජය වැඩිදුරටත් සඳහන් කළා.



(colombotimes.lk)