රුසියානු ජනාධිපති Vladimir Putin එරට හමුදාවේ ප්‍රමාණය පුළුල් කිරීමට පියවර ගෙන තිබෙනවා.

විදෙස් මාධ්‍ය වාර්තා කළේ ඒ සඳහා වයස අවුරුදු 18-30ත් අතර තරුණයන් 160,000ක් කැඳවා ඇති බවයි.

එය 2011 වසරෙන් පසු රුසියාවට බඳවා ගැනීමට නියමිත වැඩිම හමුදා භටයන් සංඛ්‍යාව ද වනවා.

රුසියානු ජනාධිපතිවරයා සඳහන් කළේ රුසියාව සිය හමුදාවේ සමස්ත ප්‍රමාණය මිලියන 2.39කට ආසන්න ප්‍රමාණයකට සහ ක්‍රියාකාරී හමුදා භටයන් සංඛ්‍යාව මිලියන 1.5ක් දක්වා වැඩි කළ යුතු බවයි.
 
එය ඉදිරි වසර 03 තුළ 180,000ක වැඩිවීමක් වන අතර රුසියාව එය 'විශේෂ හමුදා මෙහෙයුම' ලෙස හඳුන්වා තිබෙනවා.

යුක්රේනය සමඟ පවතින යුදමය තත්ත්වය සඳහා මෙම හමුදා භටයන් යොමු නොකිරීමට රුසියානු ජනාධිපතිවරයා තීරණය කර ඇති බවයි වාර්තා වන්නේ.

(colombotimes.lk)