ලංකා විදුලිබල නව පනතේ ප්‍රතිපාදන මත ලංකා විදුලිබල මණ්ඩලය සාමාගම් 4කට ප්‍රතිව්‍යුහතකර තිබෙනවා. 

බලශක්ති අමාත්‍යාංශය සඳහන් කළේ ජනන, බෙදාහැරීම්, සම්ප්‍රේෂණ හා ජාතික පද්ධති ක්‍රියාත්මක කිරීමට අදාළව අදාළ සමාගම් පිහිටුවා ඇති බවයි. 

ඒ අනුව නැෂනල් සිස්ටම් ඔපරේටර් ප්‍රයිවට් ලිමිටඩ්, නැෂනල් ට්‍රාන්ස්මිෂන් නෙට්වර්ක් සර්විස් ප්‍රවයිඩර් ප්‍රයිවට් ලිමිටඩ්, ඉලෙක්ට්‍රිසිටි ඩිස්ටිබියුෂන් ලංකා ප්‍රයිවට් ලිමිටඩ් සහ ඉලෙක්ට්‍රිසිටි ජෙනරේෂන් ලංකා ප්‍රයිවට් ලිමිටඩ් යන ආයතන 04කට ප්‍රතිව්‍යුහතකර තිබෙනවා. 

විදුලිබල මණ්ඩලයේ දැනට සිටින සේවකයන්ට එම සමාගම්වලින් තමන් කැමති සමාගමකට අනියුක්ත වීමට ඉල්ලුම් කළ හැකියාව පවතින අතර ඒ සඳහා අද (27) සිට මාස 02ක කාලයක් ලබාදී තිබෙන බවයි වාර්තා වන්නේ. 

එමෙන්ම සියලු සේවකයන්ට ඒ පිළිබඳ දැනුම් දෙන බවද බලශක්ති අමාත්‍යාංශය සඳහන් කළා. 

බලශක්ති අමාත්‍යාංශය වැඩිදුරටත් සඳහන් කළේ එලෙස නව ආයතන සඳහා බැඳීමට අකමැති සේවකයන් හට වන්දි ක්‍රමයක් යටතේ විශ්‍රාම ගැන්වීමට සැලසුම් කර ඇති බවයි.
 
මේ අතර පිහිට වූ නව ආයතනවල ඉහළ කළමණාකාරිත්වය සඳහා දැනට ලංකා විදුලි බල මණ්ඩලයේ ඉහල තනතුරු හොබවන ඉංජිනේරුවරුන් බඳවා ගැනීමට ද සැලසුම් කර තිබෙනවා. 

(colombotimes.lk)