භූ කම්පනයෙන් විපතට පත් මියන්මාර ජනතාව වෙත ශ්‍රී දළදා මාලිගාව, මල්වතු හා අස්ගිරි මහා විහාරයන් එක්ව රුපියල් ලක්ෂ 150ක මූල්‍ය ආධාරයක් පිරිනැමීම ඊයේ (02) සිදුවුණා.

මේ අතර අස්ගිරි මහා විහාර පාර්ශවයේ  මහානායක මාහිපාණන් වහන්සේ, මල්වතු හා අස්ගිරි උභය මහා විහාරයන්හි අනුනායක මාහිමිපාණන් වහන්සේලා මෙන්ම විංශත්වර්ගික කාරක සභාවන්හි නායක ස්වාමීන් වහන්සේලා ඇතුළු මහා සංඝරත්නය විසින් විපතට පත් මියන්මාර වැසියන් වෙනුවෙන් විශේෂ පිරිත් සජ්ඣායනයක්ද සිදු කර තිබෙනවා.

ශ්‍රී දළදා සමිඳුන් වහන්සේ අභියසදී මෙම පිරිත් සජ්ඣායනය සිදු කර ඇති බවයි වර්තා වන්නේ.

(colombotimes.lk)