ප්‍රසිද්ධ සුපිරි වෙළෙඳසැල් 23කට නඩු පැවරීමට පාරිභෝගික කටයුතු පිළිබඳ අධිකාරිය පියවර ගෙන තිබෙනවා.
 
ඒ භාණ්ඩවල මිල ප්‍රදර්ශනය නොකිරීම, වැඩි මිලට භාණ්ඩ අලෙවි කිරීම, පාරිභෝගිකයන් නොමග යැවීම සහ භාණ්ඩවල සඳහන් කළ යුතු තොරතුරු නොමැතිව ඒවා අලෙවි කිරීම හේතුවෙන්.

පසුගිය වසර තුළද  සුපිරි වෙළෙඳසැල් 172කට එරෙහිව නඩු පවරා ඇති අතර අධිකරණ මඟින් රුපියල් මිලියන 6.5කට අධික දඩ මුදල් අය කර ගෙන තිබෙනවා.

පාරිභෝගික කටයුතු පිළිබඳ අධිකාරිය ජනතාවගෙන් ඉල්ලා සිටින්නේ සුපිරි වෙළෙඳසැල්ද ඇතුළුව වෙළෙඳපොළෙන් භාණ්ඩ මිලදී ගැනීමේදී කල් ඉකුත්වීමේ දිනය ඇතුළු අනෙකුත් තොරතුරු සම්බන්ධයෙන් පරීක්ෂා කරන ලෙසයි.
 
එමෙන්ම උත්සව සමය වෙනුවෙන් පාරිභෝගික කටයුතු පිළිබඳ අධිකාරිය මේ වන විටත් දීප ව්‍යාප්තව මෙහෙයුම් ආරම්භ කර තිබෙනවා.

(colombotimes.lk)