කිසිදු රාජ්‍ය තාන්ත්‍රිකයෙක් හෝ රාජ්‍ය තාන්ත්‍රික සංවිධානයක් හිටපු ජනාධිපති රනිල් වික්‍රමසිංහ අත්අඩංගුවට ගැනීම සම්බන්ධයෙන් විරෝධයක් දක්වා නොමැති බව විදේශ කටයුතු අමාත්‍ය විජිත හේරත් ප්‍රකාශ කළා. 

ඒ අද (27) පැවති කැබිනට් මාධ්‍ය හමුවට එක්වෙමින්.

විවිධ පුද්ගලයන් විවිධ ප්‍රකාශ සිදු කළත් ඒවා සැලකිය යුතු කාරණා නොවන බවද අමාත්‍යවරයා සඳහන් කළා. 

එමෙන්ම අමාත්‍යවරයා වැඩිදුරටත් සඳහන් කළේ මෙරට තුළ නීතිය එකහා සමානව ක්‍රියාත්මක වන බවට ජාත්‍යන්තරය මේ වන විට නිරීක්ෂණය කරමින් සිටින බවයි.
 
පසුගිය කාලසීමාවේදී ශ්‍රී ලංකාව තුළ නීතිය නිසි පරිදි ක්‍රියාත්මක නොවන බවට ප්‍රකාශ කළද වර්තමානයේ එවැනි තත්ත්වයක් දක්නට නොලැබෙන බවද ඔහු වැඩිදුරටත් කියා සිටියා. 

(colombotimes.lk)