ලෝක වෙළෙඳපොළේ රිදී මිල වාර්තාගත ලෙස ඉහළ ගොස් තිබෙනවා. 

විදෙස් මාධ්‍ය සඳහන් කළේ ඇමරිකාව විසින් එරට තීරු බදු ප්‍රතිපත්තිය වෙනස් කිරීමත් සමඟ රන්, රිදී, ප්ලැටිනම්, පැලේඩියම් වැනි ලෝහවලට ආයෝජකයන් වැඩි වශයෙන් නැඹුරුවීම මෙලෙස රිදී මිල ඉහළ යාමට හේතු වී තිබෙන බවයි. 

ඒ අනුව අද වන විට ලෝක වෙළෙඳපොළේ රිදී අවුන්සයක වටිනාකම ඩොලර් 39.40ක් ලෙස සටහන් වී තිබෙනවා. 

මේ සමඟ මෙම වසරේ රිදී මිල 36%කින් ඉහළ ගොස් ඇති බවයි වාර්තා වන්නේ. 

මෙම වසරේදී රිදී මිල 36%කින් ඉහළ ගියද රත්‍රන් මිල 31%කින් පමණක් ඉහළ යාම විශේෂත්වයක්.