රුපියල් මිලියන 27කට අධික වටිනාකමකින් යුත් කේරළ ගංජා කිලෝග්‍රෑම් 121කට අධික තොගයක් සමඟ සැකකරුවන් 05දෙනෙක් නාවික හමුදා භාරයට ගෙන තිබෙනවා.

ඒ පසුගිය 27 සහ 29 දෙදින තුළ මන්නාරම වන්කාලෙලයි ප්‍රදේශයේ සහ යාපනය ඩෙල්ෆ්ට් දූපතට ඔබ්බෙන් වූ දේශීය ජල තීරයේ නාවික හමුදාව විසින් සිදුකළ විශේෂ සෝදිසි මෙහෙයුම් මඟින්.

නාවික හමුදා භාරයට ගත් සැකකරුවන් වයස අවුරුදු 19ත් 56ත් අතර පසුවන පුද්ගලයින් බවයි වාර්තා වන්නේ.

එමෙන්ම අදාළ කේරළ ගංජා තොගය ප්‍රවාහනය කළ ඩිංගි යාත්‍රා දෙකක්ද නාවික හමුදා භාරයට ගෙන තිබෙනවා.


(colombotimes.lk)