කොළඹ සහ තවත් ප්‍රදේශ කිහිපයක විශේෂ රථ වාහන සැලැස්මක් සහ විශේෂ ආරක්ෂක සැලැස්මක් ක්‍රියාත්මක කර තිබෙනවා.

ඒ ඉන්දීය අග්‍රාමාත්‍ය නරේන්ද්‍ර මෝදිගේ ශ්‍රී ලංකා සංචාරය හේතුවෙන්.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග සඳහන් කළේ අප්‍රේල් 4 වනදා සවස 6ත් රාත්‍රී 10ත් අතර කාලය තුළ කොළඹ - කටුනායක අධිවේගී මාර්ගය මෙන්ම බේස්ලයින් මාර්ගයද වරින්වර වසා දැමීමට සිදු වන බවයි.

මෙම කාලසීමාව තුළ කටුනායක ජාත්‍යන්තර ගුවන්තොටුපොළ වෙත පැමිණෙන පුද්ගලයන්ට මෙම මාර්ග වසාතැබීම සම්බන්ධයෙන් අවධානය යොමු කරමින් ගමනාගමන කටයුතු සැලසුම් කරගන්නා ලෙස දැනුම්දී තිබෙනවා.

එමෙන්ම අප්‍රේල් 5වනදා කොළඹ ගාලුමුවදොර ප්‍රදේශය, නිදහස් චතුරශ්‍රය ආශ්‍රිත ප්‍රදේශය, බත්තරමුල්ල අපේ ගම පරිශ්‍රයේ මාර්ග වරින්වර වසා දැමීමට සිදුවන බවයි වාර්තා වන්නේ.

ඉන්දීය අගමැති නරේන්ද්‍ර මෝදිගේ ශ්‍රී ලංකා සංචාරය අප්‍රේල් 4වනදා ආරම්භ වීමට නියමිතයි.

(colombotimes.lk)