පළාත් පාලන මැතිවරණ පනත සහ මැතිවරණ වියදම් නියාමන පනත පිළිබඳ පොලිස් නිලධාරීන් දැනුවත් කිරීමේ වැඩපිළිවෙළක් ආරම්භ කර තිබෙනවා.

මැතිවරණ කොමසාරිස් ජෙනරාල් සමන් ශ්‍රී රත්නායක සඳහන් කළේ දිස්ත්‍රික් මට්ටිමින් එම දැනුවත් කිරීම් සිදු කරන බවයි.

මේ යටතේ මැතිවරණ ආරවුල් නිරාකරණය සම්බන්ධයෙන් පොලිස් නිලධාරීන් දැනුවත් කිරීමද සිදු කරන බව ඔහු වැඩිදුරටත් කියා සිටියා.

ඒ සඳහා පොලිස් දෙපාර්තමේන්තුවේ ජ්‍යේෂ්ඨ නිලධාරීන් ද සහභාගී වන බවයි වාර්තා වන්නේ.

බදුල්ල, නුවරඑළිය, මහනුවර ඇතුළු දිස්ත්‍රික්ක කිහිපයක පොලිස් ස්ථානාධිපතිවරුන් ඒ සම්බන්ධයෙන් දැනුවත් කර තිබෙන අතර අද (04) රත්නපුර දිස්ත්‍රික්කයේ පොලිස් නිලධාරීන් දැනුවත් කිරීමට නියමිතව තිබෙන බව ද ඔහු ප්‍රකාශ කළා.

(colombotimes.lk)