පළාත් පාලන ආයතන ඡන්ද විමසීම නියමිත දිනයේදීම පැවැත්වෙන බව මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක පවසනවා.

ඒ අද (04) කොළඹ දී මාධ්‍යට අදහස් දක්වමින්.

මැතිවරණ කොමිසමේ සභාපතිවරයා ප්‍රකාශ කළේ මැයි මස 06වනදා පළාත් පාලන මැතිවරණ ඡන්ද විමසීම පැවැත්වෙන බව මීට පෙර ප්‍රකාශයට පත් කළ අතර එම දිනය කිසිදු සංශෝධනයක් සිදු නොකරන බවයි.

නිල ඡන්ද දැන්වීම් පත්‍රිකා එළඹෙන 16වනදා තැපෑලට භාර දීමට පියවර ගන්නා අතර අප්‍රේල් මස 20වනදා විශේෂ බෙදා හැරීමේ දිනයක් ලෙස සලකා කටයුතු කරන බවද සභාපතිවරයා වැඩිදුරටත් කියා සිටියා.


(colombotimes.lk)