අග්‍රාමාත්‍ය කාර්යාලය සඳහා ශ්‍රී ලංකා පරිපාලන සේවයේ විශේෂ ශ්‍රේණියේ අතිරේක ලේකම් තනතුරු 03ක් පුරප්පාඩුවී තිබෙනවා.

ඒ අනුව ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරි ඒ. බී. එම්. අශ්රෆ් එම පුරප්පාඩුව පවතින අතිරේක ලේකම් තනතුරකට පත් කිරීම සඳහා සුදුසු බව හඳුනාගෙන ඇති බවයි වාර්තා වන්නේ.

ඔහු මේ වන විට ශ්‍රී ලංකාව සඳහා වන එක්සත් ජාතීන්ගේ සංවර්ධන වැඩසටහනේ හරිත දේශගුණ අරමුදලෙහි කළමනාකරණ විශේෂඥයෙක් ලෙස සේවය කරනු ලබනවා.

ඒ අනුව අග්‍රාමාත්‍යවරිය විසින් ඉදිරිපත් කළ යෝජනාව සැලකිල්ලට ගනිමින් ඔහුව වහාම ක්‍රියාත්මක වන පරිදි අග්‍රාමාත්‍ය කාර්යාලයේ අතිරේක ලේකම්වරයෙක් ලෙස පත් කිරීමට අමාත්‍ය මණ්ඩලය විසින් තීරණය කර තිබෙනවා.

(colombotimes.lk)