සිංහල සහ දෙමළ අලුත් අවුරුද්ද වෙනුවෙන් සහන මිලට ආහාර පැකේජයක් ලබාදීමට රජය ගත් තීරණය තාවකාලිකව අත්හිටුවන ලෙස මැතිවරණ කොමිෂන් සභාව දැනුම්දී තිබෙනවා.

එම ආහාර පැකේජය පළාත් පාලන ජන්ද විමසීමෙන් පසුව ලබාදීමට කටයුතු කරන ලෙස ජනාධිපති ලේකම්වරයාට සහ වෙළෙඳ, වාණිජ ආහාර සුරක්ෂිතතා හා සමූපකාර සංවර්ධන අමාත්‍යාංශයේ ලේකම්වරයාට මැතිවරණ කොමිෂන් සභාව ලිඛිතව දැනුම්දී ඇති බවයි වාර්තා වන්නේ.

මෙවර අයවැය යෝජනාවකට අනුව රුපියල් 5,000ක් වටිනා අත්‍යාවශ්‍ය ආහාර ද්‍රව්‍ය ඇතුළත් මෙම ආහාර පැකේජය රුපියල් 2,500ක සහන මිලකට ලබදීමට තීරණය වුණා.

 
(colombotimes.lk)